وفاقی وزیر ریلوے شیخ رشید احمد کا کہنا ہے کہ مسئلہ کشمیرسے توجہ ہٹانے کے لیے خلا کا ڈرامہ کیا گیا، ناکام ہوئے۔ 

تفصیلات کے مطا بق وفاقی وزیر ریلوے شیخ رشید احمد نے میڈیا سے گفتگو کرتے ہوئے کہا کہ بھارتی سائنسدان اتنے بڑے نہیں کہ خلا تک پہنچیں۔

شیخ رشید احمد نے مزید کہا کہ ہ مسئلہ کشمیرسے توجہ ہٹانے کے لیے خلا کا ڈرامہ کیا گیا، ناکام ہوئے، پاکستان کو اپنے سائنسدانوں پر فخر ہے، وقت پرثابت بھی کردیں گے۔ 

 وفاقی وزیر سائنس اینڈ ٹیکنالوجی فوادچوہدری نے بھی چند ریان کی ناکامی پر بھارت کو مشورہ دیا کہ ہندوستان چند ریان جیسے مشن بنانے یا ابھینندن جیسوں کو لائن آف کنٹرول پار چائے پینے بھیجنے پر پیسہ نہ لٹائے۔

 واضح رہے کہ بھارت کی چاند پراترنے کی دوسری کوشش بھی ناکام ہو گئی ، چندریان ٹوچاندسےدواعشاریہ ایک کلومیٹردورتھاکہ زمین سے رابطہ منقطع ہوگیا، ۔بھارتی سائنسدانوں کا کہنا ہے چاند گاڑی کا رابطہ کیوں ٹوٹا وجہ جاننے کےلئےڈیٹا کا تجزیہ کررہے ہیں۔

بھارتی وزیراعظم نریندرمودی بڑی ناکامی پر مایوس ہوکر بھارتی اسپیس ایجنسی کے ہیڈکوارٹرزسےنکل گئے لیکن روایتی ڈھٹائی کا مظاہرہ کرتے ہوئے ناکامی تسلیم کرنے کےبجائے چاند مشن کو تاریخ ساز اور بھارتی سائنسدانوں کو مبارکباد دیتے رہے۔