وزیر اعظم عمران خان آزاد کشمیر کے دارالحکومت مظفرآباد میں جلسہ گاہ پہنچ گئے۔

تفصیلات کے مطابق وزیر اعظم عمران خان  کشمیری عوام سے اظہار یک جہتی کے لیے جلسے سے خطاب کریں گے۔وزیر اعظم آزاد کشمیر راجہ فاروق حیدر،وزیر خارجہ شاہ محمود قریشی، معان خصوصی فردوس عاشق اعوان سمیت دیگر اعلیٰ عہدیداران وزیر اعظم کے ہمراہ اسٹیج پر موجود ہیں ۔

مقبوضہ کشمیریوں کے عوام سے اظہاریک جہتی کے لئے منعقد کیے جانے والے اس جلسے میں عوام کی  بڑی تعداد موجود ہے۔

زندگی کے تمام شعبوں سے تعلق رکھنے والی شخصیات  جلسہ  گاہ کا رخ کررہی ہیں جبکہ اسٹار آلراؤنڈر شاہدآفریدی سمیت گلوکار فاخر، اداکار ہمایوں سعید، جاوید شیخ ،اداکارہ حریم فاروق اور مایا علی بھی جلسہ گاہ میں موجود ہیں۔

5اگست کو بھارت نے غیر قانونی اقدام کرتے ہوئے مقبوضہ کشمیر کی خصوصی حیثیت ختم کر دی. 40 دن سے وادی میں کرفیو نافذ ہے، جس کی وجہ سے انسانی المیہ جنم لے چکا ہے۔