وزیرخارجہ شاہ محمودقریشی سعودی عرب پہنچ گئے ہیں۔

تفصیلات کے مطابق وزیرخارجہ شاہ محمودقریشی ایک روزہ سرکاری دورےپرسعودی عرب پہنچ گئے ، کنگ خالد انٹرنیشنل ایئرپورٹ پر پاکستانی سفیر اور عملے نےوزیرخارجہ کا استقبال کیا۔

ذرائع کے مطابق وزیرخارجہ شاہ محمودقریشی وہاں سعودی ہم منصب سمیت اہم ملاقاتیں کریں گے ، ملاقاتوں میں دوطرفہ تعلقات سمیت مقبوضہ کشمیرکی موجودہ صورتحال پر تبادلہ خیال کیا جائے گا۔

واضح رہے کہ گذشتہ دن شاہ محمودقریشی نے استنبول میں میڈیا سے گفتگو کرتے ہوئے کہا تھا کہ ترکی نے شہریت کیلئے دروازے کھولے ہیں، جو شہریت سے مستفید ہونا چاہتا ہے ہو ہمیں اعتراض نہیں، غیر قانونی امیگریشن یقیناً تشویش کا باعث ہے، غیرقانونی امیگریشن پر پاکستان، ایران اور ترکی کو مل کر بیٹھنا ہوگا۔