style="display:block" data-ad-client="ca-pub-3889422535435412" data-ad-slot="3974747370" data-ad-format="auto" data-full-width-responsive="false">

وزیرِ اعظم کی معاونِ خصوصی برائے اطلاعات و نشریات نے کہا کہ ایم کیو ایم نے جس بے رحمی سے ان کی پیش کش کو ٹھکرایا ہے اس پر بلاول بھٹو زرداری سے ہمدردی ہے۔

وزیرِ اعظم کی معاونِ خصوصی کا یہ بھی کہنا ہے کہ نیب آرڈیننس پر اپوزیشن کا بیانیہ سیاسی پوائنٹ اسکورنگ ہے، نیب آرڈیننس پر حکومت نے دیگر اسٹیک ہولڈرز کو بھی آن بورڈ لیا ہے۔

واضح رہے کہ گزشتہ روز پاکستان پیپلز پارٹی کے چیئرمین بلاول بھٹو زرداری نے کراچی میں 4 ترقیاتی منصوبوں کا افتتاح کرنے کے بعد تقریب سے خطاب کے دوران ایم کیو ایم کو سندھ حکومت میں وزارتیں دینے کی آفر کی تھی۔
بلاول بھٹو زرداری نے کہا تھا کہ کراچی کی خاطر جتنی وزارتیں ایم کیو ایم کے پاس وفاق میں ہیں، ہم انہیں سندھ میں دینے کو تیار ہیں۔

اس موقع پر بلاول بھٹو زرداری نے میئر کراچی وسیم اختر کو مشورہ دیا تھا کہ ایم کیو ایم تحریکِ انصاف سے اپنا اتحاد توڑے اور عمران خان کی حکومت کو گرا دے، ہم آپ کا ساتھ دیں گے۔