آصف علی ذرداری نے کہا ہےکہ اُمیدہے اگلا وزیراعظم بلاول ہوگا۔

تفصیلات کے مطابق شریک چیئرمین پیپلزپارٹی آصف علی زرداری اور اسپیکر سندھ اسمبلی آغا سراج درانی کی ملاقات کے دوران دلچسپ مکالمہ ہوا جس میں آغا سراج درانی نے کہا کہ بلاول کی بطور وزیراعظم حلف برداری میں ہم ساتھ ہوں گے۔

آصف زرداری نجی اسپتال ضیا الدین میں زیر علاج 

ذرائع کے مطابق ہم نےپہلےبھی سالوں جیل کاٹی،اُسوقت نہیں جھکےتواب کیاجھکیں گے، یہ حکومت عوامی حمایت کھوچکی، اُمیدہے اگلا وزیراعظم بلاول ہوگا اور ہوسکتاہےآغاصاحب اگلی بارآپ میرےساتھ اسلام آبادمیں ہوں۔

 آغا سراج درانی نے کہا کہ ہم زرداری صاحب آپ کےلیےفکرمندرہتےہیں،اللہ آپ کوصحت دے، بلاول کی بطوروزیراعظم حلف برداری میں ہم ساتھ ہوں گے۔

آصف زرداری نے کہا کہ محترمہ کی پہلی حکومت سےلیکرآج تک انتقامی کارروائیاں جاری ہیں پہلے مجھے محترمہ کو سیاسی دباؤمیں لانےکیلئےجیل بھیجاگیا، آج بلاول کوسیاسی دباؤمیں لانےکیلئےمجھےجیل میں ڈالاگیا لیکن بلاول دباؤمیں آئے گ انہ میں گھبرانےوالا ہوں۔

واضح رہے کہ آصف علی زرداری کراچی کے نجی اسپتال ضیا الدین میں زیر علاج ہیں، جہاں میڈیکل بورڈ نے ان کا تفصیلی معائنہ کیا۔

پیپلز پارٹی کے شریک چیئرمین آصف علی زرداری کو ان کے معتمد خاص ڈاکٹر عاصم کے اسپتال ضیا الدین منتقل کر دیا گیا ہے،سا بق صدر کے مختلف ٹیسٹ کیے جا رہے ہیں، معالجین کے مشورے پر آصف زرداری کو آج اسپتال میں ہی رکھے جانے کا امکان ہے۔

سابق صدرآصف زرداری کو ضمانت پر رہائی کے بعد اسلام آباد سے کراچی لایا گیا تھا۔

سابق صدرآصف زرداری سے کسی کو بھی ملاقات کی اجازت نہیں، اسپتال کے اطراف میں سیکورٹی کے خصوصی انتظامات بھی کیے گئے ہیں۔

یا درہے کہ میڈیکل بورڈنے سابق صدر کی نئی طبی رپورٹ میں کہا تھا کہ ملزم کا جیل میں علاج ممکن نہیں، آصف زرداری کو انجیو گرافی کی ضرورت ہے اور مزید اسٹنٹ ڈالنے کی صورت میں انجیو پلاسٹی بھی کرنا پڑے گی، جیل میں رہنے سے جان کو خطرہ ہو سکتا ہے