سراج الحق کا کہنا ہے کہ ہمارا اصل سرمایہ بینکوں کے پوشیدہ خزانے نہیں ہیں بلکہ نوجوان ہیں ۔

لاہور میں امیر ِجماعت اسلامی سراج الحق نے خیبر پختون خوا کے نوجوانوں سے خطاب کرتے ہوئے کہا کہ ایک دن پاکستان اسلامی و خوش حال ملک بنے گا، بوسیدہ استحصالی نظام ظلم و کرپشن سود کا نظام ایک دن ختم ہوگا۔

موجودہ حکومت عام آدمی کے مسائل کے حل میں سنجیدہ نہیں، سراج الحق

امیر ِجماعت اسلامی نے کہا کہ جس نوجوان کے دل میں آگے بڑھنے کا جذبہ ہو وہ ایٹم بم سے زیادہ طاقتور ہے۔

سراج الحق نے کہا کہ ہم ایسا نظام لانا چاہتے ہیں جو عوام کو خوش حالی و امن دے سکے، ہمارا دشمن اسلحے کی بنیاد پر لڑتاہے جبکہ مسلمان اخلاص و کردار سے لڑتا ہے۔

انہوں نے کہا کہ دوسری سیاسی جماعتیں ووٹ و سپورٹ چاہتی ہیں جبکہ ہم ایسا معاشرہ چاہتے ہیں جہاں بے روزگاری نہ ہو،جہاں بھائی چارہ ہو، ظلم و ستم نہ ہو، چاہتے ہیں ہر نوجوان مجاہد بنے، شجر سایہ دار بنے، تابع دار بیٹا بنے۔