وزیراعظم عمران خان آج تین روزہ دورے اور عالمی اقتصادی فورم کے موقع پر سوئٹزرلینڈ کے شہر ڈیووس روانہ ہونگے۔

وزیراعظم عمران خان کی امریکی صدر ڈونلڈ ٹرمپ سے ملاقات  ہوگی، ملاقات کے حولے سے معاملات طے پا گئے یہ ملاقات سوئٹزرلینڈ کے شہر ڈیووس میں عالمی اقتصادی فورم کے موقع پر ہو گی۔

دفتر خارجہ کے مطابق وزیر اعظم عمرن خان کل سے سوئٹزرلینڈ کے شہر ڈیووس روانہ یو رہے ہیں جہاں وہ21 سے 23 جنوری تک عالمی اقتصادی فورم کے اجلاس میں شرکت کریں گے۔

دفتر خارجہ کی جانب سے جاری بیان میں کہا گیا ہے کہ جولائی 2019ء کے بعد وزیراعظم عمران خان اور ڈونلڈ ٹرمپ کے درمیان یہ تیسری ملاقات ہوگی۔

معاشی ٹیم اور تاجروں کے درمیان معاہدے پرخوشی ہے، وزیراعظم

اس کے علاوہ وزیراعظم عمران خان کی ڈیووس ورلڈ اکنامک فورم کے موقع پر دیگر عالمی اداروں کے رہنماؤں، کارپوریٹ بزنس اور ٹیکنالوجی کے ایگزیکٹو سے بھی ملاقاتیں ہوں گی، وزیراعظم ورلڈ اکنامک فورم کے ایگزیکٹو چیئرمین کی دعوت پر اجلاس میں شرکت اور فورم کے خصوصی سیشن سے خطاب کریں گے۔

دفتر خارجہ کے مطابق عمران خان اس اہم اجلاس کے موقع پر کارپوریٹ لیڈرز اور سی ای اوز سے بات چیت بھی کریں گے۔

دفتر خارجہ کی جانب سے بتایا گیا ہے کہ سائیڈ لائنز پر وزیراعظم کی عالمی رہنماؤں سے ملاقاتیں طے ہو چکی ہیں وہ ورلڈ اکنامک فورم میں عالمی میڈیا کوانٹرویوز دیں گے جبکہ سینئر ایڈیٹرز سے بھی بات چیت کریں گے۔

وزیراعظم عمران خان اس اہم عالمی اجلاس کے موقع پر مقبوضہ کشمیرکی موجودہ صورتحال پر پاکستانی موقف دیں گے جبکہ معیشت، کاروبار اور سرمایہ کاری پر اپنا وژن دنیا کے سامنے رکھیں گے۔

ترجمان دفتر خارجہ کے مطابق س سال ورلڈ اکنامک فورم کی 50 ویں سالگرہ منائی جارہی ہے جس میں بین الاقوامی تنظیموں کے سربراہان اور سول سوسائٹی کے نمائندے معاشی ، جغرافیائی ، ماحولیاتی امور پر غور کریں گے۔