شجاعت حسین نے وزیر اعظم عمران خان کو مشورہ دیا ہے کہ وہ اتحادیوں پراعتماد کریں اور فسادیوں سے دور رہیں ۔

تفصیلات کے مطابق مسلم لیگ ق کے صدرچوہدر ی شجاعت نے عمرے پر روانگی سے قبل میڈیا سے گفتگو کے دوران کہا ہے کہ عمران خان سے اتحاد بغیر کسی لالچ ملک و قوم کے مفاد میں کیا ، جس پر قائم ہیں اور قائم رہیں گے، اللہ تعالیٰ عمران خان کوفسادیوں کے نرغے سے دور رکھے۔

ترک صدر اگلے ہفتے پاکستان کا دورہ کریں گے

 چوہدر ی شجاعت حسین نے وزیراعظم پاکستان عمران خان کو سیاست کے گُر سکھاتے ہوئے کہا ہے کہ فسادیوں نے ہر دور میں نفرت اور انتشار کی سیاست کی ہے۔

 مسلم لیگ ق کے صدر کا مزید کہنا تھا کہ عمران خان کو مشورے دینے والے اتحادیوں سے محبت اور فسادیوں سے دوری کا سبق دیں ، اپنی اپنی نہیں بلکہ پاکستان کی بولی بولی جائے۔