وزیراعظم عمران خان کی معاون خصوصی برائے اطلاعات ڈاکٹر فردوس عاشق اعوان نے کہا ہے کہ مسلم لیگ (ن) کے رہنما رانا ثناء اللہ قانون کی گرفت سے بچنے اور مجھے بچاؤ تحریک چلارہے ہیں۔

وزیراعظم عمران خان کی معاون خصوصی برائے اطلاعات ڈاکٹر فردوس عاشق اعوان  نے اسلام آباد میں میڈیا سے بات چیت میں کہا تھا کہ رانا ثناء اللہ جنہیں مدد کے لیے پکار رہے ہیں، وہ لندن میں میں بیٹھے اپنے لیڈرز کی طرف دیکھ رہے ہیں کہ شاید ان کی طرف بھی کوئی مہربانی ہوجائے۔

اپنے بیان میں ڈاکٹر فردوس عاشق اعوان نے کہا  کہ ہم صرف اعلانات کی حد تک نہیں عملی طور پر عوام کو فائدہ دینا چاہتے ہیں۔

وزیراعظم عمران خان کی معاون خصوصی برائے اطلاعات نے یہ بھی کہا کہ  وزیراعظم مہنگائی کے بڑھتے ہوئے اثرات سے نکلنے کے کوشش کر رہے ہیں  جبکہ  اس حوالے سے کابینہ میں کچھ تجاویز بھی  زیر غور ہیں۔

ڈاکٹر فردوس عاشق اعوان کا کہنا تھا کہ کوئی بھی چیز قانون طریقے سے درآمد ہو تو ٹیکس اکھٹا ہوتا ہے،ذخیرہ اندوز اور سمگلنگ جیسی مافیا کو کوئی بھی برداشت نہیں کرتا۔

بھارت کا جھوٹ دنیا کے سامنے بےنقاب ہورہا ہے، فردوس عاشق اعوان

ڈاکٹر فردوس عاشق اعوان کا یہ بھی کہنا تھا کہ آٹااور چینی بحران کی رپورٹ پر وزیراعظم عمران خان نےکچھ مزید جوابات مانگے ہیں، کوئی بھی سمگلنگ میں شامل ہے تو اس کو آہنی ہاتھوں سے نمٹا جائے گا۔

وزیراعظم عمران خان کی معاون خصوصی برائے اطلاعات ڈاکٹر فردوس عاشق اعوان  کا لیگی رہنما کے بیانات پر انھیں تنقید کا نشانہ بناتے ہوئے مزیدکہنا تھا کہ رانا ثناء اللہ بکھروں کو جوڑنے کے لئے چورن بچنے کی کوشش اور قانون سے بچنے کے لئے ٹامک ٹوئیاں مار رہے ہیں۔