رانا ثناءاللہ کا کہنا ہے کہ شہباز شریف جلد وطن واپس آجائیں گے۔

تفصیلات کے مطابق مسلم لیگ ن کے رہنما اور پنجاب کے سابق وزیر قانون رانا ثناءاللہ نے ایک نجی ٹی وی کے پروگرام میں بات کرتے ہوئے کہا ہے کہ شہباز شریف مارچ کے پہلے ہفتے تک واپس آجائیں گے۔

سیاسی مخالفین کے گھروں پر قبضہ افسوسناک ہے

رانا ثناءاللہ نے کہا کہ موجودہ صورتحال کا واحد حل ہے کہ عوام سے رجوع کیا جائے، ان حالات میں ضروری ہے کہ مڈ ٹرم الیکشن کئے جائیں،شہباز شریف واپس آجائیں گے اور واپس آکر پارٹی کی بھرپور طریقے سے قیادت کریں گے۔

سابق وزیر قانون نے حکومت کی معاشی پالیسی پر تنقید کرتے ہوئے کہا کہ جس انداز میں موجودہ حکومت معیشت سنبھال رہی ہے ملک نہیں چل سکتا،آنے والے دنوں میں اپوزیشن مشترکہ طور پر کہے گی مڈٹرم الیکشن ضروری ہیں۔