نیشنل یونیورسٹی آف سائنس اینڈ ٹیکنالوجی سےگریجویشن کرنے والی اقصٰی جمال نےپاکستان کا نام روشن کردیا۔

نیشنل یونیورسٹی آف سائنس اینڈ ٹیکنالوجی کےڈیپارٹمنٹ’اسکول آف آرٹ سائنس اینڈ آرکیٹیکٹ‘ سےگریجویشن کرنے والی اقصی جمال نے بین الاقوامی پلیٹ فارم ’لیکسس ڈیزائن ایوارڈ‘ کےدنیابھرسےحصہ لینےوالوں کی فائنل لسٹ میں جگہ بنالی۔

#NUST congratulates Aqsa Ajmal, an #industrialdesign graduate from NUST #SADA – who has been selected as one of the six finalists for @Lexus Design Award from around the world, for her phenomenal project called ‘Pursewit.'#DefiningFutures #IAmNUST #LexusDesignAward2020 pic.twitter.com/p1vThwBfip

— NUST (@Official_NUST) February 6, 2020

اقصٰی اس اعزاز کو پانے والی پہلی پاکستانی خاتون ہیں۔اقصی نے ایک ایسی سلائی مشین متعارف کروائی ہے جو بینائی سے محروم افراد کے لیے فائدہ مند ہے۔

لیکسس ڈیزائن ایوارڈ کےلئےدنیا بھر کے چھ ڈیزائنرزمیں اقصی کے پروجیکٹ کو بھی منتخب کیا گیا ۔

دیگر منتخب ہونے والے ڈیزائنرزکاتعلق امریکا، کینیا، چین، برطانیہ اور روس سے ہے۔

اقصٰی کا ’پرسویٹ‘ نامی پروجیکٹ نابینا افراد کی صلاحیتوں کوابھارنے میں مددگارثابت ہوگا۔

اقصٰی کا اپنے پروجیکٹ کے بارے میں کہنا ہے کہ ’پاکستان میں 45 فیصد آبادی ٹیکسٹائل کی صنعتوں میں کام کرتی ہے تاہم بینائی سے محروم افراد کے لیے ان صنعتوں میں ملازمت کرنے میں دشواری کا سامنا کرنا پڑتاہے۔‘

اقصٰی کامزیدکہناتھا کہ ان کی مشین ’پرسویٹ‘ نابینا افرادکےلیےسودمند ثابت ہوگی، نابینا افراد اپنی صلاحیتوں کو بروئے کار لائیں گے اوران کےلیےماہانہ آمدنی کاحصول بھی ممکن ہوگا۔

اقصٰی کا اپنی ایک انسٹاگرام پوسٹ پر کہنا ہے کہ انہیں عالمی سطح پر ملک کی نمائندگی کرنے میں بہت فخر محسوس ہورہا ہے۔

See more

انہوں نے کہا کہ وہ امید کرتی ہیں ان کا کام میلان ڈیزائن ویک میں بھی نمائش کے لیے پیش کیا جائے۔

انہوں نے اپنی پوسٹ میں لیکسس انٹرنیشنل کی جانب سے نیویارک میں مینٹور شپ پروگرام کے لیے شرکت کرنے کا موقع فراہم کرنے پر ان کا شکریہ بھی ادا کیا۔