سابق وزیرِ اعظم شاہد خاقان عباسی کا کہنا ہے کہ کیا نیب انتقام کا ادارہ ہے؟ جو اس کے خلاف بات کرتا ہے، اسے اندر کر دیا جاتا ہے۔

قومی اسمبلی میں اظہارِ خیال کرتے ہوئےشاہد خاقان عباسی نے کہا کہ کل اچانک ملک کے ایک بڑے میڈیا ہاؤس کے سربراہ میر شکیل الرحمٰن کو گرفتار کر لیا گیا۔

شاہد خاقان عباسی نے کہا کہ نیب کے ذریعے سیاسی نشانہ بنانے کی روایت بند کی جائے، یہ اگر نیب خود کر رہا ہے تو حکومت اس کو روکے۔

انھوں نے مزید کہا کہ صوبے کچھ کام کر رہے ہیں مگر افسوس اس معاملے پر وفاقی حکومت کی جانب سے کوئی اقدام نہیں کیا گیا۔

سابق وزیراعظم نے یہ بھی کہا کہ کورونا کے معاملے پر پوائنٹ اسکورنگ نہیں کر رہے، اس ایشو پر سنجیدہ اقدامات اٹھائے جائیں ،یہ مسئلہ صرف حکومت یا اپوزیشن نہیں پورے ملک کا مسئلہ ہے، بین الاقوامی شخصیات بھی اس وبا سے متاثر ہوئی ہیں۔