احسن اقبال نے کہا ہے کہ نیب کیخلاف میں ہتک عزت کا دعویٰ کروں گا، عمران خان کیخلاف بھی دعویٰ کروں گا۔

تفصیلات کے مطابق مسلم لیگ (ن) کے جنرل سیکرٹری احسن اقبال نے کہا ہے کہ رانا ثناء اللہ، شاہد خاقان عباسی اور میرے مقدمات نے عمران خان کے احتساب اور انکی حکومت کے بیانیہ کی اصلیت کھول دی ہے۔

حکومتی وزیر کی اطلاع کے لئے ن لیگ کے دور میں پاکستان ایف اے ٹی ایف کی بلیک لسٹ سے نکل کر وائیٹ لسٹ پر آیا تھا مگر تحریک انصاف کے فیض آباد دھرنے سے گرے لسٹ پر ڈالا گیا-

— Ahsan Iqbal (@betterpakistan) March 2, 2020

احسن اقبال نے کہا کہ تقریباًچار پانچ ہفتے میں اڈیالہ جیل میں رہاوہاں ایک دن بھی ایک سیکنڈ کے لئے کوئی کچھ پوچھ گچھ کرنے کے لئے نہیں آیاہمیں ڈمپ کردیا گیا تھا۔

انھوں نے کہا کہ ہم حکومت کیساتھ مل کر نیب قانون میں ترمیم کو خوش آمدید کہیں گے مگر عمران خان کبھی بھی نیب قوانین میں تبدیلی نہیں چاہیں گے کیونکہ ان کے پاس کارکردگی نہیں ہے۔

واضح رہے کہ ان خیالات کا اظہار مسلم لیگ (ن) کے جنرل سیکرٹری احسن اقبال نے ایک انٹرویو میں کیا۔