لاک ڈاؤن کے باوجود پاکستان اسٹاک ایکسچینج میں مثبت رجحان برقرار

محمد طیب

03rd Apr, 2020. 07:32 pm
شيئر

لاک ڈاؤن کے باوجود پاکستان اسٹاک ایکسچینج میں مثبت رجحان برقرار

ملک بھر میں جاری لاک ڈاؤن کے باوجود پاکستان اسٹاک ایکسچینج میں مثبت رجحان آج بھی برقرار رہا۔

تفصیلات کے مطابق کے ایس ای 100 انڈیکس 31 ہزار پوائنٹس کی سطح پر آگیا۔ہنڈریڈ انڈیکس آج 839 پوائنٹس کے اضافے کے بعد 31 ہزار 621 پوائنٹس کی سطح پر بند ہوا۔

گزشتہ 4 دن میں 100 انڈیکس میں 3 ہزار 598 پوائنٹس کا اضافہ ریکارڈ کیاجاچکا ہے۔

جمعے کے روز 18 کروڑ 64 لاکھ سے زائد شیئرز کی خرید و فروخت ہوئی جس کی مالیت 8 ارب 51 کروڑ روپے سے زائد رہی۔

اس ہفتے بھی پاکستان اسٹاک ایکسچینج مندی کاشکار

واضح رہے کہ گزشتہ ہفتے پاکستان اسٹاک ایکسچینج میں کاروباری ہفتے کے پہلے روز مندی کا رجحان دیکھنے میں آیا اور بینچ مارک کے ایس ای 100 انڈیکس 86 پوائنٹس کمی سے 28023 پوائنٹس پر پر بند ہوا۔

کاروباری دن میں 100 انڈیکس کی کم ترین سطح 27461 رہی جبکہ بازار میں 15.94کروڑ شیئرز کے سودے 4.22ارب روپے میں طے ہوئے۔

پیر کے روز مارکیٹ کیپٹلائزیشن 40 ارب روپے کم ہوکر 5430 ارب روپے رہی۔