وفاقی حکومت نے سرکاری ملازمین کو تنخواہ اور پنشن عید سے قبل دینے کی منظوری دے دی جس کے تحت تمام حاضر ملازمین کو مئی کی  تنخواہیں اور پنشن قبل از وقت جاری کی جائیں گی۔

تفصیلات کے مطابق وفاقی حکومت نے عید الفطر کو مدنظر رکھتے ہوئے تمام ملازمین کو قبل ازوقت تنخواہیں اور پنشنز دینے کا فیصلہ کیا ہے اور فنانس ڈویژن نے ملازمین کو تنخواہ اور پنشن  کے حوالے سے مراسلہ جاری کردیا۔۔

وفاقی حکومت کے ملازمین کی تنخواہیں اور ریٹائرڈ ملازمین کی پنشن جلد ادا کی جائے گی، سرکاری ملازمین کی تنخواہیں اور پنشن عید سے قبل 21 مئی تک جاری کردی جائے گی۔

وفاقی وزارت خزانہ نے مراسلہ میں اکائونٹ جنرل آف پاکستان کو ہدایت دی کہ عید الفطر 25 مئی کو منائے جانے کا امکان ہے، تمام سرکاری ملازمین اور ریٹائر ملازمین کو مئی کی تنخواہیں اور پنشن قبل از وقت جاری کی جائیں۔

واضح رہے کرونا کے پھیلاؤ کو روکنے کے لئے صوبائی حکومتوں کی جانب سے لاک ڈاؤن کردیا گیا ہے، ملک میں کرونا کیسز کی تعداد 20000 سے تجاوز کر گئی ہے۔

سرکاری ملازمین کو ایک ماہ کی اضافی تنخواہ دینے کا اعلان

حکومت کی جانب سے کرونا وائرس سے نمٹنے کے لئے اقدامات کئے جارہے ہیں، عمران خان نے کہا تھا کہ کورونا کےباعث کرفیو لگانا ہے تو ہمیں گھروں تک کھاناپہنچاناپڑےگا، لوگوں کو گھروں تک کھانا پہنچانے کیلئے والنٹیئرز پروگرام لائیں گے۔

عمران خان کا مزید کہنا تھا کہ عمران خان نے کہا کہ اگرہمیں لاک ڈاؤن سے آگے کرفیو پر جانا ہےتو سوچنا پڑےگا، پورے ملک میں کرفیو لگاناپڑے تو ہماری کم از کم تیاری ضروری ہے، کوئی حکومت اکیلی نہیں بلکہ قوم مل کر کوروناکی جنگ لڑ سکتی ۔