وزیر اعظم عمران خان نے وفاقی کابینہ کا اجلاس کل طلب کر لیا ہے۔

تفصیلات کے مطابق وزیر اعظم پاکستان عمران خان کی زیر صدارت وفاقی کابینہ کے اجلاس کا چھ نکاتی ایجنڈا بھی جاری کر دیا گیا۔

ذرائع کے مطابق اجلاس میں افغان سیاسی قیادت کے درمیان شراکت اقتدار کے معاہدے کا جائزہ لیا جائے گا،کابینہ کو علاقائی امن، خطے کی صورتحال اور عالمی امور پر بریفنگ دی جائے گی۔

 کابینہ ملکی سیاسی صورتحال، معاشی مشکلات اور پارلیمانی معاملات پر بات کرے گی۔

اس کے علاوہ وفاقی کابینہ کو قومی رابطہ کمیٹی کے فیصلوں پر بھی بریفنگ دی جائے گی جبکہ وفاقی کابینہ لاک ڈاوَن ختم ہونے کے بعد کی صورتحال کا جائزہ بھی لے گی۔