شیخ رشید احمد کا کہنا ہے کہ آج وزیراعظم عمران خان کیساتھ ہماری ملاقات ہے، امید ہے کہ  ٹرینیں چلانے کی اجازت مل جا ئے گی۔

تفصیلات کے مطابق میڈیا سے بات چیت کرتے ہوئے وفاقی وزیر ریلوے شیخ رشید کا کہنا ہے کہ اجازت دیں گے تو بدھ کو ٹرینیں چلائیں گےاوراجازت نہ ملی تو ٹرینیں نہیں چلائیں گے۔

وفاقی وزیر ریلوے نے کہا کہ امید ہے ہمیں آج اجازت مل جائے، تو ہم 15 ٹرینیں چلائیں گے کیونکہ ٹکٹیں ہماری فروخت ہوچکی ہیں اورایس او پیز پر پورا عمل کریں گے۔

واضح رہے کہ گزشتہ روز شیخ رشید نے کہا تھا کہ اگر ٹرینیں نہ چلیں تو پھر لوگوں سے ایڈوانس بکنگ میں لیے گئے 24 کروڑ روپے واپس کر دیں گے۔

ان کا کہنا تھا کہ محکمے نے اس حوالے سے تیاریاں مکمل کر رکھی ہیں،تمام چھوٹے اسٹیشن ختم کر دیئے، صرف 5 بڑے اسٹیشن رکھے گئے ہیں۔

شیخ رشید کا مزید کہنا تھا کہ  وہ ٹرینیں چلانے کیلئے صرف وزیراعظم عمران خان سے ملاقات کے منتظر ہیں۔