معاون خصوصی ڈاکٹر شہباز گل نے کہا ہے کہ ملک کی معیشت میں پاکستان مسلم لیگ ن کا کردار ٹڈی دل کی مانند ہے۔

تفصیلات کے مطابق معاون خصوصی برائے سیاسی روابط ڈاکٹر شہباز گل کا مریم اورنگزیب کے بیان پر ردعمل ظاہر کیا گیا ہے۔

ڈاکٹر شہباز گل نے کہا ہے کہ 22 ارب سبسڈی دینے والے اور رپورٹیں دبانے والوں کو آج قانون یاد آیا ہے۔

انہوں نے کہا کہ چینی کارٹل چلانے والا خاندان عوام کی آنکھوں میں دھول جھونک رہا ہے کیونکہ تبدیلی نے کرپشن مافیا کی بنیادیں ہلا دی ہیں۔

معاون خصوصی نے بتایا کہ آپ کے شریکِ جرم زرداری صاحب کی سندھ حکومت اٹا بحران کی زمہ دار ہیں اور اس ملک کی معیشت میں اپکا کردار ٹڈی دل جیسا ہے۔

انہوں نے واضح کوایا کہ آٹا بحران آپ کی خواہش ہے تاکہ اپ اپنی گندی سیاست کر سکیں۔

اس سے قبل پاکستان مسلم لیگ (ن) کی ترجمان مریم اورنگزیب نے معاون خصوصی احتساب مرزا شہزاد اکبر کو چینی ، پٹرول اور آٹا چور مافیا  کا جعلی ترجمان قرار دے دیا ہے۔

ترجمان مسلم لیگ ن نے کہا ہے کہ عمران صاحب نے ہی چینی برآمد کرنے، سبسڈی دینے، قیمتوں میں اضافہ کرنے کی ہدایت دی تھی اور اب چینی چور عمران مافیا نے ہی چینی چوروں کو بچانے کے لئے انکوائری کمشن بنانے کی ہدایت کی ہے۔

مریم اورنگزیب نے کہا کہ  عمران چینی چور مافیا نے ہی چینی چور جہانگیر ترین کو رات و رات پرائیویٹ جیٹ پر فرار کرانے کی ہدایت کی تھی۔