وزیراعظم عمران خان نے کہا ہے کہ ایف اے ٹی ایف سے متعلق اپوزیشن اور ہندوستان ایک پیج پرہیں۔

تفصیلات کے مطابق وزیراعظم عمران خان کی زیرصدارت حکومتی و پارٹی ترجمانوں کا اجلاس ہوا جس میں شاہ محمود قریشی کی ایف اے ٹی ایف قانون سازی میں اپوزیشن کے کردار سے متعلق گفتگو کی گئی۔

ترجمانوں کو کراچی ٹرانسفارمیشن پلان سے متعلق جبکہ نواز شریف کی وطن واپسی سے متعلق حکومتی اقدامات پر بھی بریفنگ دی گئی۔

اجلاس کی صدارت کرتے ہوئے وزیراعظم عمران خان نے ایف اے ٹی ایف قانون سازی روکنے پر اپوزیشن کا کردار قوم کے سامنے رکھنے کی ہدایت دی۔

وزیراعظم نے کہا کہ ہندوستان کی پوری کوشش ہے کہ پاکستان ایف اے ٹی ایف کی بلیک میں شامل ہو جبکہ ایف اے ٹی ایف سے متعلق اپوزیشن اور ہندوستان ایک پیج پرہیں۔

عمران خان نے یہ بھی کہا کہ ہر جمہوریت میں اپوزیشن کا ملک کے لیے اہم کردار ہوتا ہے لیکن اپوزیشن نے حکومت کو بلیک میل کرنے کے لیے ایف اے ٹی ایف کی قانون سازی روکی۔

مزید پڑھیں

موجودہ حکومت کی ترجیح کاروباری سرگرمیوں کا فروغ ہے،وزیراعظم

وزیراعظم عمران خان نے کہا ہے کہ موجودہ حکومت کی ترجیح کاروباری...

وزیراعظم کا کہنا تھا کہ موجودہ اپوزیشن صرف اپنی کرپشن بچانے کے لیے ملک کو نقصان پہنچا رہی ہے جبکہ اپوزیشن اینٹی منی لانڈرنگ قانون میں اپنے مفاد کی ترامیم چاہتی ہے۔

اجلاس میں نواز شریف کی وطن واپسی سے متعلق حکومتی اقدامات پر عمران خان نے کہا کہ انسانی ہمدردی کی بنیاد پر نواز شریف کو بیرون ملک جانے کی اجازت دی۔

وزیراعظم عمران خان نے مزید کہا کہ اپوزیشن کس طرح ذاتی مفادات کو قومی مفاد پر ترجیح دے ہی ہے لیکن حکومت احتساب کے منشور پر سمجھوتہ نہیں کرے گی۔