سپریم کورٹ نے وزیراعظم کو نوٹس جاری کردیا
سپریم کورٹ نے مخصوص سیاسی جماعت کے ونگ کی تقریب میں شرکت پر وزیر اعظم عمران خان کو نوٹس جاری کردیا۔
تفصیلات کے مطابق نوٹس وزیراعظم کو کنونشن سینٹرمیں وکلاء کی ایک تقریب پر شرکت کرنے پر جاری کیا ۔
سپریم کورٹ نے معاملے پر بنچ تشکیل دینے کیلئے عدالتی حکم نامہ چیف جسٹس کو ارسال کردیا۔
جسٹس قاضی فائز عیسیٰ نے کہا کہ وزیراعظم ریاست کے وسائل کا غلط استعمال کیوں کررہے ہیں، یہ معاملہ آئین کی تشریح اور بنیادی حقوق کا ہے۔
جسٹس قاضی فائزنے کہا کہ بظاہر کنونشن سینٹر میں وزیراعظم نے ذاتی حثیت میں شرکت کی لیکن وزیراعظم نے وکلاء کی تقریب میں شرکت کرکے کسی ایک گروپ کی حمایت کی،انچارج کنونشن سینٹر بتائیں کہ کیا اس تقریب کے اخراجات ادا کیے گیے۔
ایڈیشنل ایڈووکیٹ جنرل قاسم چوہان نے کہا کہ وزیراعظم ملک کے ہر فرد کا وزیراعظم ہے، ہر سیاسی جماعت کا ایک ونگ ہے، آئین کا آرٹیکل 17 جلسے جلوس کی اجازت دیتا ہے۔
جسٹس قاضی فائز نے کہا کہ وزیراعظم کا رتبہ بہت بڑا ہے، یہ تقریب کسی پرائیوٹ ہوٹل میں ہوتی تو اور بات تھی، تقریب کیلئے ٹیکس پئیر کے ویونیو کا استعمال کیا گیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News