گورنر سندھ عمران اسماعیل کا کہنا ہے کہ  تعلیمی اداروں میں کورونا ایس او پیز پر عملدرآمد انتہائی نا گزیر ہے ۔

تفصیلات کے مطابق  گورنر سندھ عمران اسماعیل سے وفاقی وزیر تعلیم شفقت محمود اور رکن قومی اسمبلی سردار علی گوہر مہر  نے ملاقات کی۔

ملاقات میں اعلیٰ تعلیم کے فروغ ،کورونا وائرس کے پیش نظر اٹھائے گئے اقدامات سمیت اہمیت کے حامل دیگر امور پر تبادلہ خیال کیا گیا۔

گورنر سندھ نے کہا کہ  کسی بھی قوم کی ترقی و خوشحالی میں تعلیم کا کلیدی کردار ہوتا ہے۔ اعلیٰ تعلیم کے فروغ کے لیے حکومتی اقدامات قابل ستائش ہیں ۔

عمران اسماعیل نے مزید کہا کہ  تعلیمی اداروں میں کورونا ایس او پیز پر عملدرآمد انتہائی نا گزیر ہے ۔

وفاقی وزیر تعلیم شفقت محمود نے کہا کہ کورونا وائرس کے پیش نظر تعلیمی ادارے سب سے زیادہ متاثر ہوئے  ہیں۔  تعلیمی اداروں میں احتیاطی تدابیر پر سختی سے عملدرآمد یقینی بنایا جارہا ہے ۔

رکن قومی اسمبلی سردار علی گوہر مہر کا کہنا تھا کہ  حکومتی اقدامات سے عوام کو سہولیات حاصل ہو رہی ہیں ۔  گلگت بلتستان انتخابات حکومتی کارکردگی کا واضح اعتراف ہے ۔