وزیر اعظم نے بیرون ملک پاکستانیوں کو قیمتی اثاثہ قرار دے دیا۔

تفصیلات کے مطابق  وزیر اعظم عمران خان سے برطانوی ایوان بالا کے رکن لارڈ عامر سرفراز نے ملاقات کی۔

ملاقات میں وزیر اعظم کے معاون خصوصی برائے اوور سیز پاکستانیز سید ذوالفقار عباس بخاری (زلفی بخاری) بھی شریک تھے۔

وزیر اعظم نے لارڈ عامر کو کم عمری میں لارڈ کے اعزاز سے نوازے جانے پر مبارکباد  پیش کی۔ لارڈ عامر کم عمر ترین لارڈز کی فہرست میں شامل ہیں۔

ملاقات میں پاکستان اور برطانیہ کے تعلقات کو مزید استحکام دینے پر بھی تفصیلی گفتگو ہوئی۔

وزیر اعظم نے بیرون ملک پاکستانیوں کو قیمتی اثاثہ قرار دیتے ہوئے کہا کہ  حکومت ان کے مسائل کو حل کرنے، ملک میں سرمایہ کاری کے طریقہ کار کو آسان بنانے، سرمائے کی حفاظت اور رائے دہی میں شمولیت کو اولین ترجیح سمجھتی ہے۔