کراچی کے علاقے شاہ لطیف ٹاون میں سی ٹی ڈی کی جانب سے چھاپہ مارا گیا ہے جس میں 1 دہشتگرد موقع پر ہلاک ہوگیا ہے اور 5 کو گرفتار کرلیا گیا ہے۔
تفصیلات کے مطابق آج ڈی آئی جی سی ٹی ڈی عمر شاہد نے پریس کانفرنس کرتے ہوئے بتایا ہے کہ قانون نافذ کرنےوالے اداروں کو قائد آباد شاہ لطیف ٹاؤن میں دہشت گردوں کی موجودگی کی اطلاع ملی جس پر سی ٹی ڈی اور حساس ادارے کے اہلکاروں نے صبح چار بجکر پیتالیس منٹ پر دہشت گردوں کے ٹھکانے پر چھاپہ مارا تھا۔
چھاپے کے دوران دہشت گردوں نے سی ٹی ڈی پر فائرنگ اور بکتر بند پر دستی بم سے حملہ کردیا، فائرنگ کے تبادلے میں آپریشن کے دوران ایک دہشت گرد مارا گیا جبکہ پانچ کو گرفتار کرلیا گیا ہے۔
حکام نے بتایا ہے کہ دہشت گردوں کے ٹھکانے سے بارود سے بھرا ایک رکشہ برآمد کرلیا گیا ہے جبکہ بھاری تعداد میں اسلحہ اور گولہ بارود بھی ملا ہے۔
سی ٹی ڈی حکام کا کہنا ہے کہ دہشت گردوں کا کراچی میں بڑی کارروائی کا منصوبہ تھا اور اس حوالے سے ملزمان سے تفتیش کے بعد مزید معلومات سامنے آئے گی۔
خیال رہے کہ پچھلے 2 ہفتوں سے دہشتگردوں کی شہر میں موجودگی کی اطلاع تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News