وفاقی حکومت نے گرین لائن بس سروس سے متعلق خوشخبری سناتے ہوئے بتایا ہے کہ 80 بسیں جلد کراچی پہنچ جائیں گی۔

تفصیلات کے مطابق کراچی میں ٹرانسپورٹ کی سہولت سے متعلق کیس میں رپورٹ جمع کروادی گئی ہے۔

رپورٹ میں بتایا گیا ہے کہ کراچی گرین لائن بس سروس کا 24 کلومیٹر ٹریک کا فیز ون مکمل ہوچکا ہے جبکہ دوسرا فیز مارچ 2021 تک مکمل ہو جاۓ گا۔

رپورٹ میں کہا گیا ہے 80 بسیں جلد کراچی پہنچ جائیں گی جس کے لئے تمام ٹینڈرز ہوچکے ہیں جبکہ گرین لائن اور اورنج لائن بسوں کیلئے چینی کمپنی سے معاہدہ بھی طے ہوگیا ہے۔

رپورٹ میں مزید کہا گیا ہے کہ گیارہ ارب روپے سے تکمیل کو پہنچنے والا منصوبہ سندھ حکومت کے حوالے کیا جاۓ گا جبکہ 24 کروڑ روپے کی لاگت سے تیار منصوبے میں چوبیس اسٹیشنز بناۓ جائیں گے۔

اس حوالے سے حکومت نے کہا ہے کہ گرین بس چلانے کیلئے سندھ حکومت سے مکمل تعاون کیا جاۓ گا تاہم کیس کی سماعت یکم اپریل تک ملتوی کردی گئی ہے۔