پاکستان ڈیموکریٹک موومنٹ (پی ڈی ایم) کی جانب سے چیئرمین سینیٹ کے لئے امیدوار کے نام کا اعلان کردیا گیا ہے۔

تفصیلات کے مطابق مولانا فضل الرحمان کی زیر صدارت پی ڈی ایم کا مشاورتی اجلاس منعقد ہوا جس میں یوسف رضا گیلانی کا نام بطور چیئرمین سینیٹ امیدوار کے طور پر پیش کیا گیا ہے۔

اجلاس میں چیئرمین پیپلزپارٹی بلاول بھٹو زرداری نے کہا ہے کہ پاکستان کی جمہوری قوتوں کو یوسف رضا گیلانی کی جیت سے ایک امید ملی ہے اور ہم چاہتے ہیں کہ چیئرمین سینیٹ کا الیکشن جیت کر ایک اور فتح اپنے نام کریں۔

 اجلاس میں پاکستان پیپلز پارٹی (پی پی پی) کے چیئر مین بلاول بھٹو زرداری اور پاکستان مسلم لیگ ن کی نائب صدر مریم نواز سمیت دیگر رہنما شریک ہوئے۔