پاکستان مسلم لیگ ن کے مرکزی رہنما احسن اقبال کا کہنا ہے کہ جہانگیرترین کا جہاز نہ ہوتا تو پنجاب اور مرکز میں عمران خان کی حکومت نہ ہوتی۔

پاکستان کے نمبر 1 نیوز چینل بول نیوز کے پروگرام نیشنل ڈیبیٹ میں گفتگو کرتے ہوئے احسن اقبال کا کہنا تھا کہ اتنے تو بچے کھلونے نہیں بدلتے جس طرح حکومت افسر بدل رہی ہے۔

انہوں نے کہا کہ جہانگیرترین کا جہاز نہ ہوتا تو پنجاب اور مرکز میں انکی حکومت نہ ہوتی، پی ٹی آئی میں بہت تضاد ہیں۔

لیگی رہنما احسن اقبال نے حکومت کو آڑے ہاتھوں لیتے ہوئے کہا کہ حکومت ملک کے مفادات سے کھیل رہی ہے، عوام مک مکا کے حق میں نہیں، جو کرے گا اسکی قیمت ادا کرے گا۔

انہوں نے کہا کہ پنجاب میں پیپلز پارٹی10،20 سال پیچھے چلی گئی، پیپلزپارٹی کو کہا ہے کہ اپنے فیصلے پرنظرثانی کرے جبکہ پی ڈی ایم کی دیگر 8 جماعتیں یکسو ہیں۔