چیئرمین نیب نے کہا ہے کہ ملک سے بدعنوانی کا خاتمہ اور عوام کی لوٹی گئی رقوم کی واپسی نیب کی اولین ترجیح ہے۔

تفصیلات کے مطابق چئیرمین نیب جسٹس (ر) جاوید اقبال کی زیر صدارت نیب کا اجلاس منعقد ہوا جس میں نیب کی مجموعی کارکردگی کا جائزہ لیا گیا۔

اجلاس میں چیئرمین نیب نے کہا ہے کہ نیب ہمیشہ آئین اور قانون کے مطابق اپنے فرائض سر انجام دینے پر یقین رکھتا ہے اور یہی وجہ ہے کہ اس کی ملزمان کو سزا دلوانے کی شرح 68.8فیصد ہے۔

جاوید اقبال نے کہا ہے کہ نیب کا ایمان کرپشن فری پالیسی ہے جس کی بنا پر نیب کی کارکردگی کو معتبر قومی اور بین الا قوامی اداروں نے سراہا ہے۔