وزیراعلیٰ پنجاب عثمان بزدار نے سی ٹی ڈی کیلئے نئی پوسٹوں پر بھرتی کا اعلان کردیا ہے۔

تفصیلات کے مطابق ۔وزیراعلیٰ پنجاب سردار عثمان بزدارنے کاؤنٹر ٹیرارزم ڈیپارٹمنٹ کے ہیڈ کوارٹر کا دورہ کیا ہے  جہاں انہوں نے مختلف شعبوں کا معائنہ بھی کیا ہے۔

کاؤنٹر ٹیرارزم ڈیپارٹمنٹ کے ہیڈ کوارٹر کے دورے کے دوران وزیراعلی کو سی ٹی ڈی کے چاک و چوبند دستے نے سلامی پیش کی ہے۔

اس موقع پر وزیراعلیٰ عثمان بزدار نے سی ٹی ڈی ہیلپ لائن080011111 کا بھی افتتاح کیا ہے کرتے ہوئے سی ٹی ڈی کی جدید انداز میں مہارت اورصلاحیتوں کو سراہا ہے۔

وزیراعلیٰ عثمان بزدار نے سی ٹی ڈی فورس کے لئے 2 ماہ کی تنحواہ بطور اعزازیہ دینے کا اعلان بھی کیا ہے۔

اسکے علاوہ وزیراعلیٰ عثمان بزدار کا سی ٹی ڈی ہیڈکوارٹر کیلئے 54 کنال اراضی فوری طور پر فراہم کرنے کا اعلان کیا ہے جبکہ مزید 10 اضلاع میں سی ٹی ڈی کے دفاترکی تعمیر کیلئے  بھی اراضی دینے کا اعلان کیا گیا ہے۔

اس حوالے سے وزیراعلیٰ پنجاب کا کہنا تھا کہ ہیڈ کوارٹر تک رسائی کیلئے سڑکوں کی تعمیرترجیحی بنیادوں پر ہوگی اور سی ٹی ڈی کوڈرون جی ایس ایم لوکیٹر،سنائپر رائفلز اور دیگر آلات فراہم کیے جائیں گے۔

انہو نے بتایا کہ سی ٹی ڈی کیلئے بم ڈسپوزل یونٹ کا قیام عمل میں لائیں گے اور سی ٹی ڈی کی دیگر ضروریات کو بھی پورا کیا جائے گا۔