مادر وطن پر جان نچھاور کرنے والے پہلے نشان حیدر کیپٹن راجہ محمد سرور شہید کی شہادت کی 73 ویں برسی کے موقع پر تقریب کا انعقاد کیا گیا ہے۔

پاک فوج کے شعبہ تعلقات عامہ (آئی ایس پی آر) کے مطابق کیپٹن راجہ محمد سرور شہید کی شہادت کی 73 ویں برسی پر شہید کو خراج عقیدت پیش کرنے کے لئے آبائی گاؤں سنگھوڑی، گجر خان میں یادگار پر تقریب کا انعقاد کیا ہے۔

آئی ایس پی آر نے بتایا ہے کہ تقریب کے دوران آرمی چیف جنرل قمر جاوید باجوہ کی جانب سے شہید کی یادگار پر پھولوں کی چادر چڑھائی گئی ہے۔

آئی ایس پی آر نے مزید بتایا ہے کہ میجر جنرل شاہد نذیر نے آرمی چیف کی جانب سے پھولوں کی چادر چڑھائی اور فاتحہ خوانی کی ہے۔