ڈی سی لاہور مدثر ریاض نے کہا ہے کہ بارشی پانی کے نکاس کو فوری یقینی بنایا جائے۔

تفصیلات کے مطابق ڈی سی لاہور مدثر ریاض نے لاہور شہر میں بارشوں کے لحاظ سے ریسکیو ٹیموں کو ہدایات دیں اور فیلڈ میں ازخود موجود رہے۔

مدثر ریاض نے ٹیموں کو انڈر پاس پر متحرک رہنے اور بارشی پانی کو فوری نکالنے، پمپس کو آپریشن میں رکھنے کی ہدایت دی ہے۔

ڈی سی لاہور نے عابد مارکیٹ، شمع، قرطبہ چوک، لکشمی چوک کے علاقوں کے دورے بھی کیے۔

ان کا کہنا تھا کہ ابھی بھی کچھ علاقوں میں ہلکی بارش ہو رہی ہے اور شدید بارش کی بھی پیشینگوئی ہے۔

مدثر ریاض نے اسسٹنٹ کمشنرز اور دیگر عملے کو ہدایت دی کہ ازخود فیلڈ میں موجود رہیں۔

ڈی سی لاہور مدثر ریاض کا کہنا تھا کہ بارش کی صورت میں ہولز کو مکمل ڈھانپ کر رکھا جائے تاکہ کسی بھی قسم کے نقصان سے بچا جا سکے۔