ملزم ظاہر جعفر نے کہا ہے کہ دھوکا دینے پر نور مقدم کو قتل کیا۔

تفصیلات کے مطابق اسلام آباد میں قتل ہونے والی سابق سفارتکار کی بیٹی نور مقدم کے قتل کیس کی ‏تفتیش میں نئے انکشافات سامنے آگئے، ملزم ظاہر جعفر نے جرم کا اعتراف کرتے ہوئے خاتون کو قتل کرنے کی وجوہات سے پولیس کو آگاہ کر دیا ہے۔

ملزم ظاہر جعفر نے پولیس کو بیان دیتے ہوئے کہا کہ نور مقدم میرے ساتھ بے وفائی کر رہی تھی جس کا مجھے دکھ تھا، علم ہونے پر پر اسے روکا، مگر وہ نہیں مانی۔

ملزم ظاہر جعفر نے قتل کا اعتراف کرتے ہوئے کہا کہ بے وفائی میرے لئے ناقابل برداشت تھی، دھوکا دینے پر نور مقدم کو قتل کیا۔

ذرائع کا کہنا ہے کہ ملزم ظاہر جعفر نے پانچ روزہ جسمانی ریمانڈ کے بعد اعتراف جرم میں وجہ قتل بتائی۔