لاہور میں ٹریفک وارڈن نے بچے کے اغواء کی کوشش ناکام بنا دی۔
تفصیلات کے مطابق یہ واقعہ لاہور کے علاقہ کالج روڈ پر پیش آیا جہاں پٹرولنگ آفیسر نے نامعلوم موٹرسائیکل سوار کو زبردستی روتے ہوئے بچے کو لے جاتے دیکھا۔
ذرائع کا کہنا ہے کہ آفیسر نے مشکوک جانتے ہوئے موٹرسائیکل سوار کو روکا جس پر بچے نے آفیسر کو دیکھتے ہی چیخنا چلانا شروع کر دیا۔
ذرائع نے کہا کہ موٹرسائیکل سوار نے موقعہ پر موٹرسائیکل اور بچے کو چھوڑ کر فرار ہونے کی کوشش کی جس پر وارڈن ظہیر نے ابوبکر نامی موٹرسائیکل سوار کو دبوچ لیا۔
بچہ محمد موسیٰ نے کہا کہ مجھے موٹرسائیکل سوار زبردستی کہیں لے جا رہا تھا۔
ذرائع کا مزید کہنا ہے کہ ٹریفک وارڈنز نے بچے اور موٹرسائیکل سوار کو مزید کارروائی کے لیے ٹاؤنشپ پولیس کے حوالے کر دیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News