آرمی چیف سے ترکی کے وزیر دفاع کی ملاقات ہوئی ہے جس میں ملکوں کی سیکیورٹی تعاون پر بات چیت کی گئی ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ سے ترکی کے وزیر دفاع جنرل(ر) ہولوسی آکار کی ملاقات ہوئی ہے۔

آئی ایس پی آر نے بتایا ہے کہ ملاقات میں دونوں ملکوں کے درمیان دفاع اور سیکیورٹی تعاون سے متعلق امور پر بات چیت کی گئی ہے۔

ملاقات کے حوالے سے آئی ایس پی آر نے بتایا ہے کہ دوران ملاقات دونوں ملکوں کے درمیان خطے کی سیکورٹی صورتحال خاص طور پر افغان امن عمل پر بھی بات چیت کی گئی ہے۔

آئی ایس پی آر نے بتایا ہے کہ ملاقات میں دونوں ملکوں کی جانب سے خطے کے امن و استحکام کی کوششوں میں اضافے کی خواہش کا اظہار کیا گیا ہے ۔

آئی ایس پی آر نے مزید یہ بھی بتایا ہے کہ جنرل ہولوسی آکار نے ترکی کی جانب سے علاقائی و عالمی ایشوز پر پاکستان کے مؤقف کی مکمل حمایت کے عزم کا اعادہ بھی کیا ہے۔