چیئرمین جوائنٹ چیفس آف اسٹاف کمیٹی جنرل ندیم رضا سے سعودی چیف آف جنرل اسٹاف جنرل فایض بن حامد الرویلی کی ملاقات ہوئی ہے۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق چیئرمین جوائنٹ چیفس آف اسٹاف کمیٹی جنرل ندیم رضا سے سعودی چیف آف جنرل اسٹاف جنرل فایض بن حامد الرویلی کی ملاقات ہوئی  جس میں باہمی دلچسپی دفاعی،سیکیورٹی تعاون اورانسداددہشتگردی کے امور پر بات چیت کی گئی۔

 آئی ایس پی آر کے مطابق ملاقات میں افغانستان اورمقبوضہ کشمیرکی تازہ ترین صورتحال پرتبادلہ خیال ہوا جبکہ ملاقات میں دونوں جانب سےفوجی رابطوں اورتعاون کومزیدوسعت واستحکام دینےپر بھی زور دیا گیا۔

اس موقع پر چیئرمین جوائنٹ چیفس آف اسٹاف کمیٹی جنرل ندیم رضا نے کہا کہ باہمی،دیرینہ،قریبی تعلقات دیرپاشراکت داری میں بدل رہےہیں، دونوں ممالک کاتمام قومی اورعالمی امورپریکساں موقف ہے

آئی ایس پی آر کا کہنا ہے کہ ملاقات میں سعودی چیف آف جنرل اسٹاف جنرل فایض بن حامد الرویلی  نے مسلح افواج کےپیشہ ورانہ مہارتوں اوردہشتگردی کیخلاف جنگ میں قربانیوں کوسراہا۔