وزیراعظم عمران خان  نے کہا ہے کہ لسبیلہ سے گوادر تک سیاحت کو فروغ دیں گے۔

وزیراعظم عمران خان  نے لسبیلہ میں پودے لگانے والے کارکنوں اور مقامی افراد سے خطاب کرتے ہوئے کہا کہ پاکستان اللہ تعالیٰ کی جانب سے بہت بڑا تحفہ ہے، بدقستمی سے ہم نے اس تحفے کی قدر نہیں کی۔

عمران خان  نے کہا کہ پاکستان میں سیاحت کے فروغ کے لیے تمام توجہ پہاڑی علاقوں پر دی گئی، اب ساحلی علاقوں کی باری ہے اوراب بلوچستان کو آگے لے کر آنا ہے۔

وزیراعظم کا کہنا تھا کہ لوگوں کی میعار زندگی بہتر کرنا حکومت کی ذمہ داری ہوتی ہے، لسبیلہ سے گوادر تک سیاحت کو فروغ دیں گے۔

عمران خان  نے کہا کہ پاکستان میں مسلم ممالک کے سیاحوں کو راغب کرنے کے کافی مواقع ہیں،پاکستان کے ساحلی علاقے نہایت خوبصورت ہیں جہاں سیاحتی مقامات بنا سکتے ہیں۔

وزیراعظم عمران خان نے مزید کہا کہ پوری دنیا موسمیاتی تبدیلیوں سے متاثر ہو رہی ہے،مینگروز وہ درخت ہیں جو سب سے زیادہ آکسیجن دیتے ہیں،مینگروز گرمی کے اثرات کو روکتے ہیں۔