پنجاب میں بچوں سے زیادتی کے واقعات اب تک عروج پر، ایک اور بچہ زیادتی کا شکار ہو گیا ہے۔

تفصیلات کے مطابق یہ افسوسناک واقعہ حافظ آباد کے علاقے قلعہ رامکور میں پیش آیا جہاں مولوی صفیع اللّه نے اپنے 9 سالہ شاگرد کو مبینہ زیادتی کا نشانہ بنایا ہے۔

ذرائع کا کہنا ہے کہ فرحان نامی بچہ صفیع اللّه کے پاس تعلیم حاصل کرنے آتا تھا۔

ایف آئی آر کے مطابق ملزم نے شاگرد کو ورغلا کر زیادتی کا نشانہ بنایا اور زیادتی کرنے کے بعد فرار ہونے میں کامیاب ہو گیا۔

ذرائع کا کہنا ہے کہ بچے کے والد کی درخواست پر پولیس نے مقدمہ درج کیا ہے۔

پولیس ترجمان کے مطابق ملزم کو گرفتار کرنے کے لیے ٹیمیں تشکیل دے دی گئی ہیں۔

ذرائع کا کہنا ہے کہ مقامی پولیس بااثر ملزم کو گرفتار کرنے سے تاحال قاصر ہے۔

ڈی پی او حافظ آباد نے علاقہ مکینوں کو پر امن رہنے کی تلقین کرنے کے ساتھ یہ بھروسہ دلایا ہے کہ ملزم ہر صورت گرفتار ہو گا۔