بلوچستان کے دارالحکومت کوئٹہ کے علاقے پشتون اباد میں گھر میں گیس لیکج سے دھماکہ ہوا ہے۔

تفصیلات کے مطابق دھماکے کے باعث خواتین اور بچوں سمیت 7 افراد جھلس کر زخمی ہوگئے ہیں۔

ریسکیو ذرائع کا کہنا ہے کہ زخمیوں کو ہسپتال منتقل کر دیا گیا ہے۔

 واضح رہے کہ گزشتہ ماہ راولپنڈی میں بھی گھر میں گیس لیکج سے دھماکا ہوا تھا، جس کے نتیجے میں ایک خاتون اپنے دو کمسن بچوں سمیت جھلس کر جاں بحق ہوگئی تھیں۔

ریسکیو ذرائع کے مطابق کمرے میں گیس پہلے سے ہی لیک ہوئی تھی سوئچ آن کرنے پر ایک دم دھماکہ ہوا جس کے بعد آگ نے پورے گھر کو لپیٹ میں لے لیا۔