خانیوال میں الیکشن مہم تیز، حمزہ شہباز جیت کے لئے پرعزم
حمزہ شہباز نے خانیوال ضمنی الیکشن مہم تیز کردی اور اپنے امیدوار رانا محمد سلیم کی جیت کے لیے پرعزم دکھائی دیتے ہیں۔
لاہور حلقہ این اے 133 میں جیت کے بعد پنجاب اسمبلی میں اپوزیشن لیڈر حمزہ شہباز خانیوال ضمنی الیکشن کی جیت کے لیے متحرک ہوگئے اور کارکنوں کو ہدایات جاری کردیں۔
حمزہ شہباز نے لیگی رہنماؤں کو مختلف اہم زمہ داریاں سونپ دیں اور خانیوال ضمنی الیکشن کے لیے 6 مختلف کمیٹیاں تشکیل دے دی گئیں ہیں۔
اپوزیشن لیڈر کی ہدایت پر جنرل سیکرٹری پنجاب اویس لغاری اور عطاء اللہ تارڑ کو کوآرڈینیٹر مقرر کردیا گیا اور ملک ندیم،کامران،عمران،علی گورائیہ۔رانا مشہود، زیشان،رفیق،سید توصیف شاہ سمیت دیگرکو زمہ داریاں سونپ دی گئیں ہیں۔
انہوں نے مقامی قیادت کو فوری طور پرعوامی رابطہ مہم تیز کرنے کی ہدایت کر دی اور یوسی سطح پر کارنر میٹنگز اور گھر گھر رابطہ مہم تیز کرنے کی ہدایات جاری کردیں۔
انُ کا خواتین ووٹرز کے لیے مقامی سطح پر متحرک لیگی خواتین کو رابطوں کی بھی ہدایت کی گئیں ہیں، انتخابی مہم اور دیگر سرگرمیوں کو باقاعدگی سے سوشل میڈیا پر ڈالنے کا بھی کہا گیا ہے۔
واضع رہے فنکشنل لیگ نے پہلے ہی ن لیگ کے رانا محمد سلیم حنیف کی حمایت کا اعلان کردیا ہے جب کہ پیپلزپارٹی کی جانب سے شگفتہ حبیب کی جیت کے لئے پیپلزپارٹی نے بھی اپنی انتخابی مہم تیز کردی ہے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News