پی ٹی آئی کراچی کے صدر خرم شیر زمان نے کہا ہے کہ ہم دو نمبر کالے قانون کی حمایت نہیں کر سکتے ہیں۔
خرم شیر زمان نے اپنے بیان میں کہا کہ صوبے میں مینرل واٹر پیا جاتا ہے، بیماری کے لیے پرائیویٹ کلینک جایا جاتا ہے اور صوبے میں کتوں کی ویکسین نہیں ہے، ان سب کے بعد ہم دو نمبر کالے قانون کی حمایت نہیں کر سکتے۔
خرم شیر زمان نے کہا کہ پیپلز پارٹی کا بل آرڈننس سے بھی بدتر ہے۔
خرم شیر زمان کا کہنا تھا کہ ہمارے قانون پر پنجاب میں کوئی احتجاج نہیں کر رہا ہے، بہترین قانون پر پنجاب کے لوگ ڈھول بجا رہے ہیں۔
ان کا کہنا تھا کہ انشاللہ کل دوپہر 12 بجے سندھ اسمبلی کے باہر احتجاجی مظاہرہ ہو گا، اگر ہماری خواتین کے ساتھ بدتمیزی کی گئی تو ذمہ دار بلاول ہو گا۔
ان کا کہنا تھا کہ ہم کل عوام سے درخواست کرتے ہیں کہ احتجاج میں شرکت کریں، صوبے کی عوام پی پی کے خلاف سڑکوں پر نکلے۔
انہوں نے کہا کہ ہم سمجھتے تھے بااختیار میئر آئے گا مگر پی پی سندھ کے شہروں میں بے اختیار میئر لا رہی ہے۔ میئر معاشی طور پر کمزور ہو گا۔
ان کا یہ بھی کہنا تھا کہ ناظم جوکھیو، فہمیدہ سیال کو سرعام قتل کیا گیا، یہ صحافیوں کو بھی نہیں بخش رہے تو ہمیں ڈر ہے ہمیں بھی سندھ کے لوگوں کی جنگ لڑنے پر قتل کر دیا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News