سپر ہائی وے میمن گوٹھ کے قریب ٹریفک حادثے میں زخمی ہونے والا ایک شخص دوران علاج دم توڑ گیا۔

یہ واقعہ کراچی کے سپر ہائی وے میمن گوٹھ کے قریب پیش آیا جہاں تیز رفتار گاڑی نے سڑک پار کرتی ہوئی فیملی کو ٹکر مار کر شدید زخمی کر دیا جس کے باعث 2 افراد جاں بحق ہو گئے ہیں۔

ریسکیو کے مطابق حادثے میں جاں بحق 60 سالہ عبداللہ جیان کی لاش عباسی شہید ہسپتال منتقل کر دی گئی ہے۔

ذرائع ریسکیو کا کہنا ہے کہ حادثے کے وقت جاں بحق ہونے والے کم عمر لڑکے کو مظفر کے نام سے شناخت کیا گیا تھا۔

ریسکیو نے کہا کہ حادثے میں زخمی خاتون حسنہ بی بی کو طبی امداد دی جا رہی ہے۔

پولیس کے مطابق زخمی خاتون متوفی مظفر کی ماں ہے۔