شفقت محمود نے کہا ہے کہ جمہوری نظام سے ہی ہر ملک کے مسائل کو حل کیا جا سکتا ہے۔

تفصیلات کے مطابق شفقت محمود نے لانگ مارچ کے حوالے سے گفتگو کرتے ہوئے کہا کہ این اے 130 اور دو سے تین دیگر پی پی کے کارکنان کی میٹنگ کے لئے تقریب کا اہتمام کیا گیا ہے۔

انہوں نے کہا کہ عمران خان نے متعدد بار کہا ہے کہ الیکشن کروائے جائیں جبکہ کسی بھی ملک میں جمہوری نظام سے ہی ہر مسئلے کو حل کیا جا سکتا ہے۔

ان کا کہنا تھا کہ ملک میں صوبائی گورنمنٹ کی صورت حال بد ترین ہے، ملک کو مستحکم کرنے کے لئے عوام کے پاس جایا جائے اور منڈیٹ ان کےمطابق بنایا جائے۔

شفقت محمود نے کہا کہ  ضمنی الیکشن میں دیکھا جا سکتا ہے کہ عمران خان بھاری اکثریت سے جیت رہا ہے جبکہ موجودہ حکومت ناجائز حکومت ہے اور ان کے واپس جانے کا وقت آچکا ہے۔

انہوں نے کہا کہ پر امن انداز میں ایک جہوری ملک اور آئین کے مطابق لانگ مارچ اسلام آباد پہنچے گا۔

ان کا کہنا تھا کہ لاہور سے شروع ہونے والے لانگ مارچ میں این اے 130 کے اکابرین شرکت کریں گے۔

شفقت محمود نے مزید کہا کہ عمران خان آج رات کو لبرٹی چوک میں لگائے گئے کیمپ کا بھی وزٹ کریں گے۔