سیکریٹری اطلاعات پاکستان تحریک انصاف فرخ حبیب نے کہا ہے کہ حقیقی آزادی مارچ کل اسد عمر کی سربراہی میں فیصل آباد پہنچے گا۔

تفصیلات کے مطابق حقیقی آزادی لانگ مارچ کے حوالے سے سیکریٹری اطلاعات پاکستان تحریک انصاف فرخ حبیب نے اہلیان فیصل آباد کیلئے ویڈیو پیغام جاری کرتے ہوئے کہا کہ اس سلسلے میں کل پانچ بجے ڈی ٹائم این اے 108 کے مرکزی آفس میں جمع ہوں گے اور ایک ریلی کی شکل میں ضلع قونصل پہنچیں گے۔

ان کا کہنا تھا کہ اس موقعے پر بڑی اسکرین پر چیئرمین پی ٹی آئی عمران خان بھی مخاطب ہوں گے۔

فرخ حبیب نے مزید کہا کہ آپ سب نکلیں حقیقی آزادی کے لئے پاکستان کے لئے عمران خان کے ساتھ شام پانچ بجے۔