شفقت محمود نے کہا ہے کہ نئی حکومت اپنی پالیسیوں کے ذریعے بحران ختم کرتی ہے۔
تفصیلات کے مطابق پاکستان تحریک انصاف کے رہنما شفقت محمود نے تیسرے روز لبرٹی چوک میں میڈیا سے بات کرتے ہوئے کہا کہ آج کی یہ ریلی جو این اے 130 میں نکالی جارہی ہے، یہ ریلی مہنگائی اور الیکشن کے خلاف ہے،آج سے سات ماہ پہلے ملک ترقی کی راہ پر گامزن تھا جبکہ تمام انڈسٹریز بھی ترقی کی راہ پر گامزن تھیں ،ٹیسکٹائل انڈسٹری ترقی کررہی تھی۔
ان کا کہنا تھا کہ انہوں نے ملک کو بدحالی کے دھانے پر کھڑا کردیا ہے،ہمیں ہر طرف لوگ بیکار ہوتے نظر آرہے ہیں، اب تک آٹھ مہینوں میں انہوں نے ایک کام کیا ہے وہ یہ کہ انہوں نے اپنے اور اپبے بچوں کے کیسز ختم کئے ہیں۔
شفقت محمود کا یہ بھی کہنا تھا کہ انہوں نے اپنے کیسز ختم کیئے ہیں،ایک اور لوٹیرا جو چار سال سے بھاگا تھا وہ بھی اپنے کیسز ختم کروانے آگیا ہے، انہوں نے صرف خود کو سنوارنا ہے اور ملک کو تباہ کرنا ہے۔
پاکستان تحریک انصاف کے رہنما نے کہا کہ جمہوری ملکوں میں جب بھی بحران آتا ہے تو انتخاب کروایا جاتا ہے اور عوام کی مرضی کی حکومت آتی ہے۔
انہوں نے یہ بھی کہا کہ نئی حکومت اپنی پالیسیوں کے ذریعے بحران ختم کرتی ہے، پاکستان تحرک انصاف کی حکومت نئی پالیسیاں بنائے گی۔
شفقت محمود کا کہنا تھا کہ اب عوام ایک ہی چیز کہہ رہے ہیں کہ الیکشن کرواو تاکہ عوام کو ریلیف ملے، خان کا ایک ہی نعرہ ہے عمران خان کے مطابق اس مہینہ میں پنجاب اور کے پی کے میں حکومت ختم کردی جائے گی اور مارچ میں الیکشن ہوں گے۔
پاکستان تحریک انصاف کے رہنما شفقت محمود کا مزید کہنا تھا کہ ن لیگ الیکشن سے بھاگ رہی ہے ہر روز نئی تاریخیں دیتی ہیں کیونکہ انکو پتہ ہے کہ عمران خان انکو بڑی شکست دیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News