عمران خان پر قاتلانہ حملے کی تحقیقات کے سلسلے میں جے آئی ٹی نے تفتیش کا دائرہ وسیع کردیا ہے۔

تفصیلات کے مطابق پی ٹی آئی چیئرمین عمران خان پر قاتلانہ حملے کی تحقیقات کے لئے حماد اظہر اور فیصل جاوید سمیت 35 افراد  کو طلب کرلیا گیا ہے۔

دوسری جانب لانگ مارچ میں خون خرابے کا بیان دینے والے منحرف رہنما فیصل واوڈا کو بھی دستاویزات سمیت بلایا گیا ہے۔

جوائنٹ انویسٹیگیشن ٹیم نے سانحہ وزیر آباد سے متعلق تفتیش میں فیصل واوڈا کو طلب کیا ہے کیونکہ انہوں  نے آزادی مارچ میں خون خرابہ ہونے سے متعلق بیان دیا تھا تاہم فیصل واوڈا کو تمام دستاویزات، قومی شناختی کارڈ کے ساتھ پیش ہونے کی ہدایت کردی  ہے۔