وفاقی وزیر صحت عبدالقادر پٹیل نے کہا ہے کہ صحت کے شعبے میں بہتری کے بغیر معاشرے کی ترقی ممکن نہیں ہے۔
اپنے ایک بیان میں وفاقی وزیر صحت کا کہنا تھا کہ حکومت عوام کی فلاح وبہبود پر یقین رکھتی ہے تاہم صحت کے شعبے میں اصلاحات کو یقینی بنایا جارہا ہے کیونکہ بہترین اور معیاری علاج عوام کا حق ہے۔
انہوں نے کہا کہ سرکاری اسپتالوں کی کارکردگی کو مزیز بہتر بنانے کیلئے پر عزم ہیں جبکہ معیاری اور طبی سہولیات کی فراہمی کو یقینی بنانے کیلئے بھر پور اقدامات کیے جارہے ہیں۔
یہ بھی پڑھیں: مشکل کی گھڑی میں ہم سب کو مل کر اپنا کردار کرنا ہوگا، عبدالقادر پٹیل
انہوں نے مزید کہا کہ وفاقی ہسپتالوں کو جدید خطوط پر استوار کرنے کیلئے تمام تر وسائل بروئے کار لارہے ہیں۔
دوسری جانب ترجمان وزارت صحت نے بتایا ہے کہوزیر صحت عبدالقادر پٹیل کی ہدایت پر پولی کلینک ہسپتال میں انقلابی اقدامات کا سلسلہ جاری ہے جس کے تحت پولی کلینک اسپتال کے ریڈیالوجی ڈیپارٹمنٹ میں 128 سلائس سی ٹی سکین نصب کر دی گئی ہے جبکہ سٹیٹ اف ارٹ تھری ڈی میمو گرافی مشین بھی انسٹال کر دی گئی ہے۔
اسٹیٹ آف آرٹ مشین کی وجہ سے کینسر کے تشخیصی نظام میں بہت بہتری آئے گی اسکے علاوہ چھاتی کے کینسر کی اسکریننگ کی کمی پوری کر دی ہے ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News