فیڈرل بورڈ آف ریونیو نے اقوام متحدہ کے تعاون سے گو ٹریول سسٹم کے حوالے سے دو روزہ قومی مشاورتی ورکشاپ کا انعقاد کیا ہے۔
تفصیلات کے مطابق ورکشاپ کے افتتاحی اجلاس کی صدارت چیئرمین فیڈرل بورڈ آف ریونیو عاصم احمد نے کی۔
چیئرمین ایف بی آر نے کہا کہ گو ٹریول سسٹم کے تحت منظم جرائم اور دہشت گردی میں ملوث افراد کی شناخت میں مدد ملے گی۔
عاصم احمد نے کہا کہ قومی مشاورتی ورکشاپ سے گو ٹریول کا نظام بہتر انداز میں سمجھنے اور لاگو کرنے میں مدد ملے گی۔
دو روزہ ورکشاپ کا مقصد پاکستان میں اس وقت رائج اے پی آئی اور پی این آر سسٹم بارے ایک جامع مشاورتی پلیٹ فارم مہیا کرنا ہے۔
ورکشاپ سے لیگل، آپریشنل اور تیکنیکی شعبوں میں معاونت کی ضروریات کی نشاندہی بھی کی جا سکے گی۔
ورکشاپ سے ملک میں آپریشنل اے پی آئی اور پی این آر سسٹم قائم کرنے کی ضرورت اور درپیش چیلنجز کو سمجھنے میں بھی مدد ملے گی۔
ورکشاپ میں کینیڈا کی ہائی کمشنر لیزلی سکینلن، ممبر کسٹمز(آپریشنز) مکرم جاہ انصاری سمیعت متعلقہ اسٹیک ہولڈرز کے تیس سے زائد نمائندوں نے بھی شرکت کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News