امیر جماعت اسلامی سراج الحق نے کہا ہے کہ حکومتوں کی نااہلی کی وجہ سے بوجھ عوام کو برداشت کرنا پڑ رہا ہے۔

تفصیلات کے مطابق امیر جماعت اسلامی سراج الحق نے اپنے ایک بیان میں کہا کہ عوام کی آنکھوں میں خواب کی بجائے خوف کے سائے ہیں، ملک میں موت سستی اور روٹی مہنگی، عوام امن کو ترس رہے ہیں، کرپٹ اشرافیہ وسائل پر قابض ہے، مافیاز حکومتوں کا حصہ ہیں، حکومتوں کی نالائقی، نااہلی کی وجہ سے بوجھ عوام کو برداشت کرنا پڑ رہا ہے۔

انہوں نے کہا کہ پاکستان دنیا کاواحد ملک ہے جہاں عوام غریب اور حکمران مال دار ہیں، حکمرانوں کی شوگر ملوں، کارخانوں اور پراپرٹیز میں مسلسل اضافہ ہو رہا ہے، حکمران عالمی اداروں کے کہنے پر عوام کی جیبوں پر ڈاکے ڈالنا بند کریں۔

ان کا کہنا تھا کہ موجودہ اور سابقہ حکومتیں آئی ایم ایف کے مفادات کی نگرانی پر مامور ہیں، مہنگائی سے پوری قوم متاثر، اعلانات سے مسائل حل نہیں ہوں گے، احتجاجی تحریک اب نہیں رکے گی، دھرنے کے تیسرے روز آئندہ کا لائحہ عمل دوں گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔