امیر جماعت اسلامی صوبہ سندھ محمد حسن محنتی نے کہا ہے کہ نگران حکومت کو 90 دن سے زیادہ حکومت کرنے کا اختیار نہیں ہے۔

تفصیلات کے مطابق امیر جماعت اسلامی صوبہ سندھ محمد حسن محنتی نے ٹھٹھہ پریس کلب میں پریس کانفرنس کرتے ہوئے کہا کہ مہنگائی بے روزگاری اور غربت نے غریب عوام کی کمر توڑدی ہے، نااہل حکمران ملک کو کرپٹ ممالک میں شامل کر دیا ہے، اس وقت بجلی مہنگی ہو رہی ہے ہر ماہ بجلی کی یونٹ میں اضافہ ہو رہا ہے۔

انہوں نے کہا کہ لوگ اس وقت خوف و حراس کا شکار ہیں، اب ڈالر سستا ہو رہا ہے تو پیٹرو اور بجلی کی قیمتوں میں کمی کمی ہونی چاہیئے، گیس کے ملک میں وافر مقدار میں پیدا ہوتی مگر حکومت گیس کی قیمتوں میں اضافے کرنے کا منصوبہ بنا رہی ہے، نگران حکومت مہنگائی کے معاملہ میں بہت آگے ہیں، آئی ایم ایف کی ڈکٹیشن ہے چل رہی ہے، نگران حکومت کو یہ مینڈیٹ نہیں کے ملک کے اداروں کو پرائیویٹ کریں، یہ اختیار صرف منتخب حکومت کو ہے۔

ان کا کہنا تھا کہ جماعت اسلامی مہنگائی پر احتجاج کر رہے ہیں دیگر جماعتیں اس مسئلے پر خاموش ہیں، پورے سندھ صوبے کے اندر اغوا برائے تاوان کامسئلا چل رہا ہے ٹھٹھہ کے نوجوان کو بھی اغوا کیا گیا ہے، ہم مطالبہ کرتے ہیں ڈاکو کے خلاف آپریشن کر کے عرفان مسیح سمیت دیگر افراد کو بازیاب کرایا جائے۔

امیر جماعت اسلامی صوبہ سندھ محمد حسن محنتی نے مزید کہا کہ ہر جگہ مافیہ ہے چینی مافیہ آٹا مافیہ ذخیرہ اندوزی کرکے مھنگائی میں اضافہ کرنے پر تلے ہیں ان کے خلاف ضلعی انتظامیہ حرکت میں آئے، عام انتخابات ہر صورت میں ہونی چاہیے ہم مطالبہ کرتے فوری طور پر انتخابات کرائے جائیں، نگران حکومت کو 90 دن سے زیادہ حکومت کرنے کا اختیار نہیں ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں۔

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔