امیر جماعت اسلامی سراج الحق نے کہا ہے کہ اسلامی نظام ہی تمام مسائل کا حل ہے۔
تفصیلات کے مطابق تعلیمی ادروں کی نجکاری کے خلاف اساتذہ اور ملازمین پر لاہور سمیت کئی شہروں میں پولیس لاٹھی چارج پر سراج الحق نے کہا کہ حکومت تعلیمی اداروں کی پرائیویٹائزیشن کی بجائے ان کی حالت بہتر کرے۔
انہوں نے کہا کہ کوئی بھی مہذب معاشرہ اساتذہ اور پرامن مظاہرین پر تشدد کی اجازت نہیں دیتا، اسلامی نظام ہی تمام مسائل کا حل ہے، صرف جماعت اسلامی ہی ملک میں قرآن و سنت کا نظام نافذ کرسکتی ہے، قوم ہمارے ساتھ تعاون کرے۔
دوسری جانب امیر جماعت اسلامی سراج الحق نے تیمرگرہ میں اجتماع سے خطاب کرتے ہوئے کہا کہ فلسطینی ظلم اور ظالمانہ قبضے کے خلاف لڑ رہے ہیں اور مسلمان حکمران ڈر رہے ہیں، امریکہ نے اسرائیل کا ساتھ دیا لیکن مسلم دنیا خاموش تماشائی بنی ہوئی ہے، ہم بیت المقدس کی آزادی تک فلسطینیوں کے ساتھ کھڑے ہیں، پاکستان کی قوم حماس کے ساتھ تعاون کے لیے تیار ہے۔
سراج الحق نے کہا کہ صدر وزیراعظم اور آرمی چیف سے کہنا چاہتا ہوں پاکستان نظریاتی ملک ہے، پاکستان کے بانی قائداعظم نے اسرائیل کو ناجائز ریاست قرار دیا تھا، قائداعظم نے پہلے دن سے فلسطینوں کا ساتھ دینے کا اعلان کیا، پاکستان ہمیشہ اسرائیل کے مقابلے میں فلسطینیوں کا ساتھ دیں گے، اس وقت 57 اسلامی ممالک کو حماس کا ساتھ دینا چاہیے، اقوام عالم مظلوم فلسطینیوں کا ساتھ دیں۔
ان کا مزید کہنا تھا کہ مسلم دنیا کی غیرت کے امتحان کا وقت ہے، فلسطین کی آزادی کا سورج جلد طلوع ہو گا، مسجد اقصیٰ مسلمانوں کا مقدس مرکز ہے، مسجد اقصیٰ کی حفاظت کے لیے جینا اور مرنا عظیم جہاد ہے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News