راولپنڈی: ٹرانسمیشن لائن کی مینٹیننس کے سلسلے میں آئیسکو کی جانب سے اڈیالہ جیل کی بجلی سپلائی معطل کردی گئی ہے۔
تفصیلات کے مطابق اسلام آباد الیکٹرک سپلائی کمپنی کی طرف سے راولپنڈی کے اڈیالہ روڈ پر مرمتی کام کی وجہ سے اڈیالہ جیل میں بجلی کی سپلائی معطل ہو گئی اور موبائل جیمرز بھی بند ہو گئے، جس کے باعث جیل میں قیدیوں کو مشکلات کا سامنا کرنا پڑ رہا ہے۔
ذرائع نے بتایا کہ آئیسکو کے راولپنڈی کے تیرہ علاقوں میں مرمتی کام کے باعث اڈیالہ جیل کی بجلی چلی گئی، بجلی بند ہونے سے اڈیالہ جیل کے اندر اور قریبی علاقوں میں سیکیورٹی کے باعث بند رکھے جانے والے موبائل فونز آن ہوگئے۔
ذرائع کے مطابق اڈیالہ جیل کے اندر اور اردگرد کے علاقوں میں موبائل سگنلز نے کام کرنا شروع کردیا، اڈیالہ جیل میں موبائل فونز کام کررہے ہیں۔
اس حوالے سے ترجمان آئیسکو کا کہنا تھا کہ اڈیالہ روڈ پر تیرہ مختلف جگہوں پر آئیسکو کو مرمتی کام کی وجہ سے بجلی بند کرنا پڑ گئی جس کی وجہ سے اس علاقے میں بجلی تو چلی ہی گئی اسی روڈ پر واقع اڈیالہ جیل کی بجلی بھی چلی گئی جس سے موبائل سگنلز کو جام کرنے والے جیل کے اندر اور اردگرد لگائے جیمرز بند ہوگئے۔
یاد رہے کہ آئیسکو نے بجلی سپلائی معطلی کا مراسلہ جیل انتظامیہ کو 13 دسمبر کو جاری کیا تھا، جس میں بتایا گیا تھا کہ 132 کے وی ٹرانسمیشن لائن پر کام جاری ہے، ملحقہ علاقوں میں بجلی معطل رہے گی، ٹرانسمیشن لائنز پر کام ہونے پر 13 ملحقہ علاقوں میں سپلائی معطل ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News